了解

今晚突然覺得我出生除左等死之外GE第2個意義。了解自己。忽然地，我好似並唔了解自己。自己都唔清楚自己仲有咩資格去了解第2 樣野呢？

最近感到無比寂寞，我本以為自己係一個唔係幾怕寂寞GE人，好可惜！我怕。一切總有原因吧！因為冇人約，因為約唔到人，因為自己做野慢放假都要做野，因為自己心散放假都放得唔安樂，因為好多好多．．．．好似好易解決GE問題但係都係解決唔到但其實係因為我冇去面對。唔知幾時開始學識左逃避呢一樣野呢？

最近的幾個星期日都LEI 左係屋企HEA！真係堅HEA，咩都冇做到，簡直係浪費時間，唔知幾時開始習慣左HEA 呢？以前真係唔係幾容許自己可以係屋企咁多個星期。LEI 係屋企果陣同普通宅男冇乜分別，都係上下網同UPDATE 下人地FB。最癲瘋可以一個鐘UPDATE 個FB 4 次咁多，每一個星期日夜晚睇到人地去玩去食野影相，真係令我又羨慕又嫉妒。想去玩架! 可惜!

真係好似小朋友，好鬼死自私，越見到人地多活動好熱鬧自己心入面就唔多高興!但係我覺得最唔平衡GE係越係咁我就越想LEI 係屋企。呢排心理真係唔多平衡，唔知點就會想做一D相反GE野壓抑自己，痴線!方

喂！好冇中心思想喎！講咩啊!？唔知呢!因為我自己都唔了解自己。

不過老老實實，呢排壓力的確就黎爆保。